巴基斯坦 - 婚禮前傳之Mayoun Day
其實已經係發生喺12月1號嘅事，不過每日每晚都太多活動差啲連瞓覺都唔得閒所以而家先分享。睇相之前要小心，因為呢一晚嘅活動原則上所有人都要著黃色服裝，所以特別bright 😝
 Mayoun Day 其實冇中文嘅意思，係烏都語大約就係話呢一日新娘同所有佢嘅屋企人朋友一齊聚集喺新娘嘅屋企，佢哋會打鼓唱傳統嘅歌仲有送禮物比新娘。其中有一啲儀式會餵新娘食傳統嘅甜品，亦會有長輩用銀紙在新娘頭上面轉幾圈，代表一種祝福。另外亦都會有長輩會用手塗上薑黃粉同草藥再新娘的花上面，呢個係改良咗嘅儀式，以前應該係塗抹喺新娘嘅皮膚上面。
新娘當晚特別開心，因為佢嘅爸爸媽媽仲有最錫佢嘅屋企人朋友全部都喺屋企陪佢，睇見佢眼濕濕想喊可能已經唔捨得屋企。不過話時話好彩香港結婚冇呢種儀式，試問有邊個屋企可以同時間容納一百幾十人喺同一間屋。
當晚嘅活動由夜晚九點開始直至到半夜兩點幾先完結，其實後生嘅唱左大約一個鐘頭之後已經投降，新娘嘅屋企人準備咗啲傳統嘅食物Biryani 招呼客人，所有人已經開始食嘢，但係長輩級新娘嘅嫲嫲同一眾親友太鍾意唱歌，忍唔住拎咗個鼓入房繼續長，唱到我兩點幾走嘅時候仲唱緊，估計嗰一晚佢哋唱到天光。
至於所有男性親友都係成晚喺房入邊食嘢傾計，仲有吸水煙食檳榔都係佢哋其中一項活動。當晚無攝影師，所以我就客席做攝影師同所有人影相😊同啲小朋友玩到好熱😝
記住，呢個只係正式婚禮前嘅其中一個活動，所有人已經著得好靚，在巴基斯坦先有一種”真係去飲”嘅感覺。
#第一次係同一間屋有超過100個人
#第一次有咁多人一齊着唔同層次嘅黃色衫
#第一次玩到半夜兩點都唔驚有鄰居投訴噪音
#巴基斯坦啲屋閒閒哋二三尺我只有羨慕
《待續》
別忘了把Facebook專頁為"搶先看"（See first）以及"開啟通知"（Notification On）
較詳盡的更新在Facebook: indiapinkpink
濕濕碎碎的更新在Instagram：indiapink
Search